Step to Wellness

  BB越大，日間越少小睡時間， 醒著時比以前更想有人陪著玩， 和想見到媽媽在眼前 （未發展到物體恆存概念，即是.. 眼前沒有媽媽=媽媽消失在世上＞＜）。 在家工作的媽媽唔好話做野／做家務， 連入去洗手間去個廁所，去廚房飲杯水， 喺客廳見唔到媽媽既BB都會成日嗚嗚大叫。 . 近來籽力BB日間小睡時間勁短又難入睡。 媽媽用上過往有用的所有方法，出盡渾身解數， BB都連續好幾小時訓唔著。 有時出埋絕招，埋身食奶都只係食奶時訓著左， 一食完就醒—０—　 （變相喺佢小睡時我抖抖氣都無） 有時哄咗１個鐘訓著咗， 都只係訓10至20分鐘便醒～ 然後又黎下一個hehehaha陪玩， 陪blw食野，講故事， 緊接著扭奶，扭睡， 大叫大喊狂扭循環～ . 既然係咁， 我決定放低自己想做既工作， 離開屋企呢個環境， 同BB一齊出去公園曬曬太陽， 等自己都抖抖氣，呼吸新鮮空氣， 放慢腳步，欣賞下大自然。 . BB喺BB車上終於都訓著覺 雖然最後都係訓20分鐘/一返到屋企又醒， 但都算回一回氣，耳朵清靜返， 腦袋心靈平靜返，充充電， 又有力量陪住籽力BB去渡過呢個階段性既作息情況～ . 媽媽知道籽力bb自己都辛苦， 仲建立緊各方面既能力， 又無辦法表達自己， 又好想要安全感親密感， 所以先會大叫大喊狂扭~ 媽媽愛你，抱你♡ . 【媽媽體會】 接納BB有各式各樣的需求、 接納BB本來的樣子、 接納要放下自己、 接納計劃不似如期、 接納自己未能按如期的步調完成工作， . 接納就是認清現況， 放下拉扯抗拒的心態。 這樣， 反而找回平靜的心情， 找回自己， 享受到當下， 重新掌控生活。 . ⇊ 如果你想繼續睇我既分享，請 ⇊ Like & share - <Step to Wellness> (Youtube | Podcast | IG | FB) 咁樣social media先會繼續俾你睇到我既分享啊～ #育兒日常 #新手媽媽 #香港媽媽 #親子blogger #心理輔導 #輔導 #精神健康 #精神健康服務 #slasher媽媽 #多職媽媽

  【我未來既發展同對輔導行業既展望】 過往十年，累積咗較紥實既輔導同精神健康工作經驗，我未來會繼續私人接輔導工作之餘，都會用自己既social media去將關注自己精神健康既訊息繼續傳播開去，等輔導可以普及化。但我一個人力量好細，若果可以喺社會政策層面認受返輔導既專業性，成立返輔導註冊制度去保障個案同輔導質素，令更多受過訓練既輔導員可以一齊入到學校／社福機構／政府度做，唔好再浪費流失人材，都等有需要既人更快得到合適既輔導服務就可以將力量倍大。 . ⇊ 如果你想繼續睇我既分享，請 ⇊ Like & share - <Step to Wellness> (Youtube | Podcast | IG | FB) 咁樣social media先會繼續俾你睇到我既分享啊～ #心理輔導   #輔導   #精神健康   #精神健康服務   #多職媽媽

  【社工碩士課程畢業後入職精神健康服務工作—輔導員同社工互補長短】 我除咗做三年青少年服務工作，喺社工碩士畢業之後我喺專做精神健康服務既單位做咗六年社工同個案督導，我每個月服務既個案有40-60個。除咗情緒輔導工作，同時要處理其他社工範疇既工作，如：連繫個案到精神科醫療系統，為個案申請社區資源／學校調適協調。另外，仲有帶領治療小組，行政管理，督導社工的工作等等。所以只能喺當中揀選大約20個最危急，最有輔導需要既個案每兩星期做情緒輔導，其他就要一個月，什至兩個月先見到一次。結果，有d個案又要轉介出去花長時間再排其他輔導服務，令個案延遲左最佳既輔導時機。但若果喺一個單位或者學校裏面，同時有社工同輔導員，兩個既職能可以分返開，一齊專注返自己擅長既工作，個案就可以更快搵到適合既人去支援佢地既精神健康。 . 由於我讀咗社工同輔導碩士課程，都擁有10年前線工作經驗，所以我想分享社工同輔導既分別。社工課程內容比較着重社會政策、法制、社福機構管理、社區工作、及以多系統的外在資源來幫助服務對象；輔導課程內容則比較着重深入探討表面問題既內在癥結、意義同功能，透過唔同心理治療、家庭治療、輔導理論黎解構同分析，善用服務對象同家庭既內在資源做深層治本既輔導。輔導碩士課程除咗得到上堂睇書會得到既輔導知識、技巧、心態，仲會建立輔導員既素質。亦都幫助我地去回顧成長同家庭經歷點樣塑造我地，再療癒返內心受傷果部分，放低過往既心結、傷痛、憎恨。若果療癒者未有好好察覺同處理到自己受傷果一部分，好容易會自以為幫人，但其實滿足緊自己既個人需要，又或者好易喺個案身上見到自己，而唔係真係見到眼前既個案，難Ｄ做到有果效既心理輔導。所以，若果兩個專業能夠在社福界中互補長短，相信係服務對象同佢地家庭既最大福祉！ . ⇊ 如果你想繼續睇我既分享，請 ⇊ Like & share - <Step to Wellness> (Youtube | Podcast | IG | FB) 咁樣social media先會繼續俾你睇到我既分享啊～ #心理輔導   #輔導   #精神健康   #精神健康服務   #多職媽媽

  【點解讀輔導碩士？】 因為我由細到大，朋友好鐘意搵我傾心事，亦有好幾個朋友因為情緒困擾而想尋死，但當時我聽完都唔知點做，點回應先係好。所以我喺十幾年前報讀輔導碩士課程，希望成為一個有心、有能力去陪伴人走出困境既心理輔導員。 【讀完輔導後難找輔導工作。本地人才輸出去成為外地人才】 但係輔導碩士畢業後，搵輔導工作好艱辛，所有政府、社福機構或者學校既輔導工作都只係請註冊社工。 而我所就讀的香港UGC大學所朌發既輔導碩士，係可以直接喺英國、加拿大、澳洲等經濟發展國家認可，只要承認遵守操守既項目，就可以註冊同做輔導專業既工作。 成日話要「搶人才」，但香港浪費本地人才，反而用本地既資源培訓咗人才後，輸出去成為外地人才，都幾奇怪。 結果，我透過經營「Step to Wellness」 Social media，包括Facebook/IG/Youtube去分享精神健康既復元故事、心理輔導既知識。等有需要既人喺網上搵到我，聯絡我去私人接輔導工作。 而且我算係好幸運先可以自己接到輔導工作，當年同我同屆畢業既同學幾乎無人做到。而且連埋我，總共有六個同年畢業既同學都再花時間金錢讀多一個社工碩士課程。 好大部分原因就係因為要做註冊社工先入到學校／社福機構去做輔導工作。其實真係幾氣餒沮喪。 . ⇊ 如果你想繼續睇我既分享，請 ⇊ Like & share - <Step to Wellness> (Youtube | Podcast | IG | FB) 咁樣social media先會繼續俾你睇到我既分享啊～ #心理輔導   #輔導   #精神健康   #精神健康服務   #多職媽媽  

這是一個帶有爭扎又沉重的決定。 在這間機構做了近六年，我很享受這份工作，很喜歡做精神健康服務。 但我現在的生命階段想多點在家陪伴籽力BB成長～ 也想探索生命不同的可能性。 . 所以，我在12月尾會由做全職工作轉做一個 【Slasher多職媽媽】， 讓工作時間有多點彈性。 事業發展方面， 首要是和我的男神 (即是我的先生) 一起開培訓顧問公司～ 另一方面，我會轉個形式做精神健康服務， 所以我會繼續接輔導工作和經營自媒體 （主要關於親子育兒、心理輔導、繪本故事、健康飲食）。 . 為了和這份全職工作好好說再見， 我將會推出一個「精神健康復元故事系列」， 每篇談一個「精神病」。 記錄整理這六年較深刻的個案故事。 讓故事為他們發聲，讓更多人了解他們的內心世界。 . 有興趣的，請留意我的更新。 . 在職媽媽•人奶BB Vlog (實齡五個月 | 更正齡3個半月) https://youtu.be/ScK4cV47g5w . ⇊ 如果你鐘意睇我既分享，可以支持我 ⇊ Like & share - Step to Wellness Youtube | Podcast | IG | FB → https://linktr.ee/steptowellness #育兒日常 #新手媽媽 #香港媽媽 #親子blogger #心理輔導 #輔導 #精神健康 #精神健康服務 #在職媽媽 #全職媽媽 #slasher媽媽 #多職媽媽

自從放完產假，我少左精神時間同BB玩～ 返工前後同BB既相處都係一邊埋身餵人奶，一邊望著BB眼睛，同BB傾下偈，剩低既時間都係趕住出門返工／食晚飯／沖涼／哄睡覺～ . 今日BB有足夠精神，專注力，騎騎笑住聽我講完整本繪本，我都好開心！ . 籽力BB 3個月大就對聽故事感興趣， 而家5個幾月大（更正齡4個幾月）仍然鐘意聽～真係好呢！ . 時間不多，便把一起的時間過得優質一點吧 =） . 有興趣，可聽聽【小步講故事系列】： https://youtube.com/playlist...... . ⇊ 如果你鐘意睇我既分享，可以支持我 ⇊ Like & share - Step to Wellness Youtube | Podcast | IG | FB →  https://linktr.ee/steptowellness #育兒日常   #新手媽媽   #香港媽媽   #親子blogger   #小步講故事   #繪本  

輔導對象（敘事者）來找我的初期， 很多時會形容自己整個人被黑霧、陰霾、灰怪遮蓋。 所以，我的Logo用一個深灰色的人代表被陰影遮蓋了的敍事者， 另一個人代表我。 . 兩個人保持不遠不近的距離， 代表我跟隨他敍事者的步伐， 貼近他的內心， 一起走向Wellness。 . 由孤單無助的 (I)， 到溫暖同行的 (We), 是Mental (I)llness to Mental (WE)llness的重要因素。 . 輔導不只適合被Mental Illness影響的人， 而是所有想追求Mental Wellness的人。 . 因為沒有Mental Illness不代表有Mental Wellness、不代表有快樂、有愛、幸福、滿足。 有Mental Illness也不代表沒有Mental Wellness，有Mental Illness也可活出豐盛、有意義、快樂的人生。 . ⇊ 如果你鐘意睇我既分享，可以支持我 ⇊ Like & share - Step to Wellness Youtube | Podcast | IG | FB →  https://linktr.ee/steptowellness #育兒日常   #新手媽媽   #香港媽媽   #親子blogger   #精神健康   #精神健康服務   #輔導   #心理輔導