Step to Wellness

放手，便會看見BB的能力和成長～ BLW D8 食唔到條菜心葉，會放低， 再調轉條菜， 拎住菜心葉等自己易d 啜到菜心莖汁。 學習先咀嚼， 後吞嚥。 在旁觀察， 安全情況下放手。 BB一天一天練習， 會累積到新能力。 懂得修正調整自己的行為來達到目的。 這份對孩子的信任、接納，觀察、跟隨 孩子步伐的心， 是BLW、蒙特梭利和兒童為本輔導的 核心精神。 . BLW D13，已能啜晒菜汁啦 LOVE = Listen Observe Value Embrace . 【籽力BB BLW Day 8食菜心，自我修正行為影片】 https://youtu.be/20H1RADHVtA . ⇊ 如果你想繼續睇到我既分享，可以支持我 ⇊ Like & share - Step to Wellness Youtube | Podcast | IG | FB → https://linktr.ee/steptowellness #育兒日常 #新手媽媽 #香港媽媽 #親子blogger #心理輔導 #輔導 #精神健康 #精神健康服務 #slasher媽媽 #多職媽媽 #BLW籽力 #BLW #BLWIDEAS #BLWBB #自主進食 #寶寶主導式離乳法 #加固 #嬰幼兒發展 #嬰幼兒教育 #嬰幼兒心理 #心理健康 #蒙特梭利 #阿德勒 #薩提爾 #正向教養 #兒童為本

  生仔後第4個月開始甩頭髮， 開頭都無理，但到第6個月發現情況好嚴重，生完第6個月洗完頭成個浴缸都係頭髮（上面第二張相只係其中三分一既份量），吹完頭再甩一大堆，隻手掃一掃個頭，成手都係甩出黎既頭髮，頭髮簿到平時用開既橡根會行行下路跌左出黎。 於是，我開始用  #Biotin  Supplement同  #50惠   #育髮精華液 、洗頭水、護髮素。 結果，生完第8個月，我發現洗完頭，吹完頭後頭髮甩少左好多（上面第三張相），唔會再摸一摸個頭就甩頭髮。 . 頭髮強韌咗好多，仲生返d毛毛出黎。 （左上角果張相）好開心，放心晒啦。 . 我生完第6，7個月為到呢個問題有d苦惱擔心。 一路咁甩落去會唔會生唔返D頭髮架＞＜ 幾時先甩完架？ 所以，經歷過後，想俾大家知， 等多2個月，身體有機會會慢慢修復， 如果大家都有呢個煩惱， 都可以考慮以上兩個products啊。 . *biotin係生物素，即係維生素B7，可以預防掉髮、脆甲。（特別生bb後8個月都無試過一覺訓天光，對頭髮健康生長會有影響，同埋餵人奶都好chur媽媽身體營養） *50惠育髮精華液為頭髮打造健康生長環境，用後感覺清爽舒服，每日早晚各用一次，噴幾下落髮根，按摩一分鐘頭部，搞掂，方便使用，特別岩每日忙過不停既媽媽。 . ⇊ 如果我既分享對你有幫助／啟發／觸動，請 ⇊ Like & share - <Step to Wellness> (Youtube | Podcast | IG | FB) 咁樣social media先會繼續俾你睇到我既分享啊～ ＃育兒日常   #新手媽媽   #香港媽媽   #親子blogger   #slasher媽媽   #多職媽媽   #脫髮   #甩頭髮   #生髮救星

「無咗好多自由／自己時間。一日好似無咩做過野就過咗。」呢個係我同好多媽媽生完BB後都不停諗既問題～ 我作為一個多職媽媽，都好多朋友問我係點安排一日時間。其實我都成日有呢Ｄ爭扎矛盾。「如果我淨係交俾工人姐姐照顧／自己返工，好似好少時間理BB。我掛住理BB，又好似無咗自己。」 我按照我BB每日既需求轉變／食奶情況　（可以參考我上一次寫既８個月BB母乳餵奶情況），同我自身既情況，調整左我+工人姐姐一日既作息工作時間。 【媽媽+工人姐姐一日時間分配】 06:00-07:30 自己/在家工作時間 [BB食完第二餐夜奶到BB正式起身] 07:30-10:00 早餐/喺playmat一邊陪籽力玩一邊做運動/講故事/唱歌；帶BB出街+買家庭/BB用品/食材 [Brief工人 / 工人姐姐做家務] 10:00-11:15 自己/在家工作時間　[BB小睡 - BB未必會小睡，若果佢唔訓/淨係訓20分鐘，我就做唔到野了] 11:15-12:00 陪籽力玩/埋身食第2-3餐奶 [工人姐姐煮飯] 12:00-13:00 午飯 + 陪BB BLW食飯 [工人切水果, 食飯] 13:00-17:30 出街專心工作 (在家難有安靜, 專心工作的環境)； 帶BB出街+買家庭/BB用品/食材；見朋友；做運動；埋身食第3-4餐奶 [工人姐姐幫BB沖涼/BB小睡/食奶/玩] 17:30-18:00 沖涼 [工人睇住BB] 18:00-19:00 埋身食第4-5餐奶 + 陪BB玩 [工人煮飯] 19:00-20:00 晚飯 + 陪BB BLW食飯 [工人切水果, 食飯] / 見朋友 20:00-21:15 陪BB玩，埋身食第5-6餐奶，哄睡 [工人姐姐收拾BLW場地/家務時間] / 見朋友 21:15-23:00 自己時間/同老公休閒時間/在家工作時間 [工人姐姐沖涼休息] 23:00-06:00 睡覺 + 埋身食第1-2餐夜奶 . ⇊ 如果我既分享對你有幫助／啟發／觸動，請 ⇊ Like & share - <Step to Wellness> (Youtube | Podcast | IG | FB) 咁樣social media先會繼續俾你睇到我既分享啊～ ＃育兒日常   #新手媽媽   #香港媽媽   #親子blogger   #slashe...

呢張相係我今日餵夜奶後影既。 （見到佢呢個熟睡安心樣，我的心都融化了） 【夜奶　 VS　一覺訓天光】 到而家，我都仲未可以一覺訓到天光。 因為BB 21:00訓覺～至到天光07:00～ 中間有時醒一次 (04:00 或05:00度，BB會07:00-08:00度正式起身)， 有時醒兩次 (01:00-03:00度醒一次，05:00-07:00度醒第二次，08:00度正式起身)～ 試過好幾次訓前俾多Ｄ奶BB飲， BB凌晨03:00前醒唔俾奶佢飲，剩係俾水／牙膠／奶嘴， 佢會喊成個鐘，我又攰佢又攰，最後都係要飲奶先可以訓到。 我都傾向想佢自然地戒夜奶。 BB仍有需要，就等佢繼續吧。 【可以出街見朋友/工作/ME-TIME時間長D嗎？】 要考慮既因素： 1. BB隔幾耐食一次奶： BB隔3-4個鐘食一次奶，每次15-30分鐘，一日食5-6餐。 （以8個月／更正齡6個半月BB黎講，都算食得好密同好長時間） 2. 我身體頂到隔幾耐唔俾BB食奶： 之前頂到3-4個鐘，就會谷痛，第8個月勉強可以頂到6-8個鐘啦！ (返屋企就要即刻埋身餵，以免塞奶痛。) 所以唔俾BB埋身食奶6-8個鐘都可以啦(我唔喺屋企，就用泵奶/配方奶取代一餐)。 但唔代表可以出足6個鐘街，因為要扣返交通時間，同有時出街前1-2小時已餵左奶，七除八扣下，可以出到4-5個幾鐘街，但都唔可以日日夠做。 因為日日都咁樣，腦袋就會發放訊號俾身體做少Ｄ奶，就做唔夠奶俾BB食架啦。 3. BB一日有幾多餐飯BLW係一定要我在家，確保佢食得安全 而家BB一日兩餐BLW (12:00同19:00)，若果我12:00或19:00唔喺屋企，就會08:00食一餐。 . ⇊ 如果我既分享對你有幫助／啟發／觸動，請 ⇊ Like & share - <Step to Wellness> (Youtube | Podcast | IG | FB) 咁樣social media先會繼續俾你睇到我既分享啊～ #育兒日常 #新手媽媽 #香港媽媽 #親子blogger #slasher媽媽 #多職媽媽 #母職生活 #BLW #管理大助手工人姐姐系列 #母乳餵哺 #人奶BB #戒夜奶 #時間管理

相：籽力BB進行咗10日BLW (有D日子唔得閒，所以唔係連續10日)，而家將食物拎起，再送入口既成功率高左D，無之前咁挫敗，食得開心咗。 Practice makes progress ! 籽力進行BLW可以見到佢既小手肌、手眼協調、用手和口探索唔同食物質感既勇氣、滿足感、自信心、掌控感等等都提升咗～ 就好似籽力埋身食人奶既過程，由一出世醫院話佢唔識食奶，要搵職業治療師幫佢訓練口肌，又要住醫院大半個月媽媽無得探病，無得同籽力有肌膚之親，到之後每日好多次既練習，佢吸啜力、口肌運用、呼吸同食奶既協調、同媽媽既親密連繫都會逐漸提升一樣　：　）　 . 好多事情都係堅持落去，增加練習機會，就會增加到經驗值、能力值、信心值~ . BB既成長真係好奇妙， 亦都不斷鼓勵住媽媽我繼續努力成長　＝　］　多謝你啊籽力BB～～ . ⇊ 如果你想繼續睇到我既分享，可以支持我 ⇊ Like & share - Step to Wellness Youtube | Podcast | IG | FB → https://linktr.ee/steptowellness #育兒日常 #新手媽媽 #香港媽媽 #親子blogger #BLW籽力 #BLW #BLWIDEAS #BLWBB #自主進食 #寶寶主導式離乳法 #加固 ＃媽媽療心 #媽媽體會

  由陀BB開始，媽媽就不停要為BB同自己做唔同既決定。順產定開刀？私家定政府醫院生？餵人奶定奶粉？ 加固時，揀傳統餵食（TW）定嬰兒主導式離乳法（BLW）？無分邊樣係最好，無話邊樣係岩係錯。最重要係搵到一樣適合自己，BB同家庭狀況既方法。唔同派別適合唔同育兒理念取向既媽媽，同唔同性格特質既BB~ . 我研究咗一段日子，睇左好多資料， 考慮完屋企狀況，自己同BB喜好，最後決定行BLW~ . 【BLW既好處包括】 •BB每餐飯都好自然咁練緊小手肌，手眼協調，對BB黎講，要順暢咁將食物拎起，再放到入口係一連串好複雜既動作。 •刺激BB五感。用手感受食物冷暖，軟硬質感，用眼看原形食物的顏色和形狀，用耳朵聆聽咀嚼食物和拿取食物的聲音，用鼻聞食物的味道，用舌頭品嚐食物最天然的原味。 •一路食野，一路玩緊Messy Play。愉快既探索時間，促進認知發展。 •愉快既親子時間。睇住BB咀嚼食物係好療癒架。 •不用額外準備食物成糊狀，都不用追著BB餵食。可以同BB一同用餐，節省餵BB食野同煮野食時間。 •尊重接納BB意願，培養BB自主能力 •有D研究指出BB長大後會無咁易偏食同癡肥 . 【同時間，進行BLW都要有心理準備同強大心臟面對以下情況】 •BB手眼協調能力未發展好，或BB心情不好，都會將食物到處飛。 •真係好messy，特別開頭既階段。要有能力承載混亂失控場面，保持情緒平穩，接納BB。 •事後要花時間清潔現場和BB，因為BB滿臉，地上和椅子都是食物和食物的汁液。（但係有方法同工具減少messy情況和清潔的工夫。） •BB開頭學咀嚼和吞噬，好多時只係啜到菜汁，肉汁，無咩食物同營養真係落到肚。若果BB較輕磅時，會擔心BB營養唔夠，都可能會覺得食物被浪費了。（1歲以下，母乳／配方奶仍然係BB主要營養來源，同埋過咗頭果1個月，BB會越食越順暢） •擔心BB噎到（choking）。研究指出BLW比TW無咁大既噎到風險，背後原瑪可自行google~ 但BB gaggling好常見，要有心理準備冷靜面對啊。 •周圍既人唔理解同俾壓力說話媽媽聽。又或者其他照顧者害怕／不願意用同樣方法。 . 望到3張相中 BB面上，枱上，椅子，和椅下，什至牆上Messy既情況（畫面只show到 1/3 messy既情況），你有咩感覺同諗法？若果接受唔到既，就唔好因為人地話BLW好而行。因為BLW既核...