【BLW（4）：嬰兒主導式離乳法優缺點？】

 

由陀BB開始，媽媽就不停要為BB同自己做唔同既決定。順產定開刀？私家定政府醫院生？餵人奶定奶粉？

加固時，揀傳統餵食（TW）定嬰兒主導式離乳法（BLW）？無分邊樣係最好，無話邊樣係岩係錯。最重要係搵到一樣適合自己，BB同家庭狀況既方法。唔同派別適合唔同育兒理念取向既媽媽，同唔同性格特質既BB~

.

我研究咗一段日子，睇左好多資料，

考慮完屋企狀況，自己同BB喜好，最後決定行BLW~

.

【BLW既好處包括】

•BB每餐飯都好自然咁練緊小手肌，手眼協調，對BB黎講，要順暢咁將食物拎起，再放到入口係一連串好複雜既動作。

•刺激BB五感。用手感受食物冷暖，軟硬質感，用眼看原形食物的顏色和形狀，用耳朵聆聽咀嚼食物和拿取食物的聲音，用鼻聞食物的味道，用舌頭品嚐食物最天然的原味。

•一路食野，一路玩緊Messy Play。愉快既探索時間，促進認知發展。

•愉快既親子時間。睇住BB咀嚼食物係好療癒架。

•不用額外準備食物成糊狀，都不用追著BB餵食。可以同BB一同用餐，節省餵BB食野同煮野食時間。

•尊重接納BB意願，培養BB自主能力

•有D研究指出BB長大後會無咁易偏食同癡肥

.

【同時間，進行BLW都要有心理準備同強大心臟面對以下情況】

•BB手眼協調能力未發展好，或BB心情不好，都會將食物到處飛。

•真係好messy，特別開頭既階段。要有能力承載混亂失控場面，保持情緒平穩，接納BB。

•事後要花時間清潔現場和BB，因為BB滿臉，地上和椅子都是食物和食物的汁液。（但係有方法同工具減少messy情況和清潔的工夫。）

•BB開頭學咀嚼和吞噬，好多時只係啜到菜汁，肉汁，無咩食物同營養真係落到肚。若果BB較輕磅時，會擔心BB營養唔夠，都可能會覺得食物被浪費了。（1歲以下，母乳／配方奶仍然係BB主要營養來源，同埋過咗頭果1個月，BB會越食越順暢）

•擔心BB噎到（choking）。研究指出BLW比TW無咁大既噎到風險，背後原瑪可自行google~ 但BB gaggling好常見，要有心理準備冷靜面對啊。

•周圍既人唔理解同俾壓力說話媽媽聽。又或者其他照顧者害怕／不願意用同樣方法。

.

望到3張相中 BB面上，枱上，椅子，和椅下，什至牆上Messy既情況（畫面只show到 1/3 messy既情況），你有咩感覺同諗法？若果接受唔到既，就唔好因為人地話BLW好而行。因為BLW既核心唔係單單俾BB用手拎住食物食，而係果份信任孩子能力、願意由嬰兒主導，細心觀察，接納同跟隨嬰身步伐既心啊～～

.

諗諗下，其實同輔導學裏面既child centered play therapy理念同做法都幾似～～唔怪得我會傾向行BLW啦～

.

⇊ 如果你想繼續睇到我既分享，可以支持我 ⇊

Like & share - Step to Wellness

Youtube | Podcast | IG | FB

→ https://linktr.ee/steptowellness

#育兒日常 #新手媽媽 #香港媽媽 #親子blogger #BLW籽力 #BLW #BLWIDEAS #BLWBB #自主進食 #寶寶主導式離乳法 #加固