Step to Wellness

  籽力BB出世後睡在深切治療部的保暖箱。 我和爸爸每次探他，也見他舉起手睡覺。 （通常只舉1隻，因為另一隻手插了不同的針／管／儀器，他唔夠力舉起） 那時我還說笑，寶寶是個好學的孩子，總會舉手問問題。 . 住了大半個月院，籽力回家後， 即使把他包在睡袋或包被， 他也會很快把雙手爭脫出來， 舉高雙手睡覺。 （力大無窮，身體又柔軟，好似識縮骨功咁） . 原來這是BB最典型的投降式睡姿， 能給他們如在子宮般的安全感， 是很正常的反射動作。 . 每次看著他睡覺也覺得很可愛～～ 搞到我本應和寶寶同步入睡才能有覺好訓， 也要定晴觀賞一會兒才捨得去睡。 . 他漸漸長大，雙手雙腿便能伸直一點， 會轉做其他睡姿，所以要把這刻的他記錄下來 =） . 每天也要向你表白： #謝謝你來當我的寶貝 ， #媽媽愛你 ⇊ 如果你鐘意睇我既分享，可以支持我 ⇊ Like & share - @Step to Wellness → Youtube | Podcast | IG | FB #育兒日常 #新手媽媽 #香港媽媽 #親子blogger #嬰幼兒發展 #嬰幼兒教育 #嬰幼兒心理 #心理健康 #正向教養 #兒童為本

  系列（7）提到引入姐姐參與BB成長發展既方法，今次講點樣幫姐姐易d同bb講故事？ . 1. 揀有英文字既繪本，姐姐會易d理解故事講俾BB聽 2. 親身示範俾姐姐睇，唔係淨係叫佢做～ 示範時，姐姐會睇到個互動係開心好玩， 姐姐都會想咁同BB玩。BB開心，姐姐又會湊得無咁辛苦。 3. 點放BB同故事書好？ a. BB一路做Tummy Time, 一路抬頭睇故事～ 順便練BB頸仔腰仔手臂仔力量，但BB撐唔到太耐睇書 （籽力更正齡3個月，而且早產B既更正年齡有時都比足月B發展再慢一D)。 b. BB坐大人大脾睇書，但BB就睇唔到大人既身體動作同表情。 c. 姐姐幫手扶BB坐，等BB望住媽媽，咁就可以又睇到故事，又睇到媽媽表情動作，媽媽又可以觀察到BB反應，按BB反應講故事～ 4. 揀咩時候開始和結束講故事？ BB食飽訓飽心情好時。 教姐姐觀察BB無專注力，唔耐煩時，就差唔多要結束故事時間～ *因為姐姐都係基督徒，所以佢好願意又好想講聖經故事俾籽力BB聽。見到呢個佢同BB講聖經故事既畫面，我都好開心感動。 「教養孩童，使他走當行的道，就是到老他也不偏離 。」---箴言 22:6 【詳盡分享放手俾姐姐參與BB成長發展的進程】 https://m.facebook.com/story.php?story_fbid=509889561146974&id=100063778031851&sfnsn=mo ⇊ 如果你鐘意睇我既分享，可以支持我 ⇊ Like & share - @Step to Wellness → Youtube | Podcast | IG | FB #育兒日常   #新手媽媽   #香港媽媽   #親子blogger   #管理大助手工人姐姐系列   #嬰幼兒發展   #嬰幼兒教育   #嬰幼兒心理   #講故事   #心理健康   #正向教養   #兒童為本

  籽力BB而家好重手啦， 每次抱佢都好似舉啞鈴，做重訓咁～ 之前覺得照顧完佢已經無時間無精神， 更加唔好講話運動。 . 但其實照顧BB同做運動可以同時存在架。 1. 帶BB去公園，等佢用眼仔睇花草樹木，耳仔聽雀仔聲，俾d感官刺激佢，媽媽又可以孭住呢隻啞鈴仔散步30分鐘，佢喊時又可以做深蹲un下un下按撫佢，當做重訓 XD 2. 放BB喺playmat，喺BB上面做Yoga，一路做一路同BB互動，BB會好開心架～ 3. 一路播輕快兒歌，一路喺BB面前跟住音樂跳舞，跟住捉BB隻手仔腳仔去跳舞仔，BB都會騎騎笑架～ . 做咗媽媽，真係會比以前忙同攰。 時間流逝得好快，時間更加珍貴。 用少d時間同步做更多事， 同埋把時間花在最有價值的事， 斷捨離沒有價值的事就好重要了。 . 時間本身係無價值， 但我地點運用時間就賦予左價值俾時間。 有時時間越少，我地先會越珍惜運用。 . 更多產後修身秘訣可睇呢篇文章： 【產後修身系列：產後2個月，體重身型都回復未陀BB之前～公開快速修身秘訣】 https://m.facebook.com/story.php?story_fbid=517132570422673&id=100063778031851&sfnsn=mo 【一日24小時湊B Vlog】： https://youtu.be/GRfoNjSN-fY ⇊ 如果你鐘意睇我既分享，可以支持我 ⇊ Like & share - @Step to Wellness → Youtube | Podcast | IG | FB #育兒日常 #新手媽媽 #香港媽媽 #親子blogger #產後修身 #快速修身 #減肥 #KEEPFIT #健康飲食 #湊B日常

  而家著未陀BB前著的裙和褲也有一點點鬆呢～ （我陀BB前唔係瘦／輕果種人，所以變返未陀BB前唔代表我好瘦/輕啊XD) 因為實在好多朋友問我點樣做到快速產後修身，所以我寫篇文章整理一下：） 1. 飲食～ (排第一，因為最重要，亦係最易做） 孕期：因為頭４個月瘋狂嘔吐，入了兩次醫院輕咗幾磅。完全控制不到不吃mcdonald和炸物，因為我放進口的所有其他食物都會嘔。過了瘋狂嘔吐期，我又回復返健康均衡飲食，令體重不會上升得太快，產後就不難減。整個孕期重了17磅。BB重4磅幾，羊水胎盤3磅度，減10磅便可以回復孕前體重。 產後：工人姐姐到家後，我安排每天的餐單，盡量吃得營養均衡，烹調方式多數是炒和蒸。吃得最多是蒸魚、蒸水蛋、凍豆腐、煎雞排、蔬菜炒豬肉、灼蝦、大量的蔬菜和水果。我本身也不太喜歡炸物甜點零食，所以也很少吃。喝大量的水、陳皮炒米茶、粟米鬚水排走身體的癈物。 2. 正宗古療法紮肚療程 順產後6星期，CARMAN @日悅坊 ( https://www.facebook.com/sunshinejamu ) 幫我做咗10日上門正宗古療法紮肚療程，可以上門紥肚真係好方便。除咗紥肚，仲會用精油JAMU（佳木）幫我掃走肚風，排走子宮毒素，好舒服，之後我都有乖乖每日帶兩小時束腹帶，帶左兩個月。陀ＢＢ會令腹直肌撐開，紥完肚我腹直肌由撐開有1隻半手指到剩返半隻手指寬～肚仔瘦咗4cm，肚皮都firm返d~ 提外話，坐月期間媽媽心情有時會好鬱悶，想讚KAMAN每次上門都會帶好多正能量，笑話，同媽媽分享　＝　］ ３. 餵人奶~及餵奶後飲食小貼士 媽媽每製造1安士奶便會消耗約60卡路里，一天大約消耗500卡路里， 即係等於跑步1小時，或者吃掉2碗飯～ 聽來好像很划算，每天餵奶＝每天跑了1小時， 但其實餵奶真的很耗能量，餵完好像人也榨乾（特別是頭1,2個月身體未適應時)，而且一天餵奶時間總共要8小時，才換來1小時的跑步。如果為了減肥，我寧願去街跑～另一方面，餵奶後會特別肚餓，所以餵奶後吃什麽食物也是致胖還是減重的關鍵。我餵奶後肚餓要吃小點心的話，一般會食水果豆奶燕麥片、腰果杏仁、水果加純乳酪、蕃薯、水煮蛋。大前提係我本身鐘意食，都係我平日既飲食習慣，若果呢d食物你唔鐘意，食得唔開心就要揀其他自己鐘意又健康既食物啦～ ４. 塞奶的痛會讓你吃得更健康 因為吃了高脂高糖類食物，人奶脂肪含量提升會

［圖一：BB食飽奶精神樣，媽媽奶路暢通，身心都開心舒服返，圖二：BB食飽奶milk drank飲醉酒樣，圖三：BB食唔到奶, BB忟𢛵媽媽都唔開心］ 終於，我餵人奶4個月了。 這一星期，我經歷了超痛苦的塞奶、乳房發熱紅腫，像有2隻雞蛋在腋下、石頭胸又重又痛，訓低後痛到好難坐返起身、小白點整極唔走最後要催乳師用針吉穿，整個上背部和身體都很不舒服、很多奶塞住出唔到，BB啜唔到狂扯到損左好痛。十分影響心情、睡眠和日常生活。 . 塞奶原因是... • 不夠休息和睡眠（真是大挑戰，媽媽本身已夠忙和累，還要確保足夠休息。晚上要2次起床餵夜奶，又要有足夠睡眠） • 沒有及時排奶 （每三小時不排便會有太多奶導致塞奶）（媽媽也會有很累，很懶，想自由外出耐一點的時候啊） • 喝不夠水份（要變成一個水桶吧） • 吃了高脂高糖高膠質的食物（pizza、芝士、肥肉、蛋糕、海參）（我會乖乖管好自己的嘴巴了，真的後悔了，見過鬼也怕黑） . 結果，我用盡以下方法，終於通返了... •放鬆身體（熱水沖背、按摩背部） •放鬆心情 （大挑戰，唔夠休息，個身體又勁唔舒服，仲要有好心情少壓力先夠奶） •做上身運動，轉膊頭，打開肩膀腋下 •煲橙水 （5碗水煲3個橙，煲45分鐘） •食3倍份量的卵磷脂 •橄欖油濕棉軟化小白點 •手擠奶 •凍敷消腫 •奶樽裝熱水熱敷和碌塞了的位置 •用電動洗臉機震散塞奶的位置 •用不同姿勢餵BB，包括平板支撐動作和欖球式餵乳（BB很想媽媽減肥吧，一路餵奶一路做運動） •瘋狂飲暖水 等等等 . 最後，還要加上找催乳師上門 @rainbow deng。 哇～他按摩手勢超好，幾乎無痛通乳。 用了接近5小時，終於通了9成。 整個人身心舒暢，BB都無啜得咁忟𢛵了。 . 對我來說，餵人奶這件事， 放棄比堅持還要難。 因為 •人奶會按BB所需，度身訂做出適合他當下的營養 •尋乳反射是BB本能，想順著他本能餵奶 •BB自吃奶便採取自主進食，讓他分辨自己是肚餓還是飽了，奶樽餵較易過度餵養，減少未來過重的身體健康問題 •母乳可以給他更多的抗體和免疫力（早產B更需要） •可以鍛練他的的口肌和吸啜力（他出生時醫生說他這方面較弱，現在真的強了很多） •親餵有給予他安全感和按撫穩定情緒的作用 •喜歡這份肌膚接觸和親子間的親密連結感 •不是說一句放棄，奶便如關水喉般立即關掉，還要經歷一段痛苦，什至再次塞奶