【產後修身系列：產後2個月，體重身型都回復未陀BB之前～公開快速修身秘訣】

 

而家著未陀BB前著的裙和褲也有一點點鬆呢～
（我陀BB前唔係瘦／輕果種人，所以變返未陀BB前唔代表我好瘦/輕啊XD)
因為實在好多朋友問我點樣做到快速產後修身，所以我寫篇文章整理一下：）

1. 飲食～ (排第一，因為最重要，亦係最易做）
孕期：因為頭４個月瘋狂嘔吐，入了兩次醫院輕咗幾磅。完全控制不到不吃mcdonald和炸物，因為我放進口的所有其他食物都會嘔。過了瘋狂嘔吐期，我又回復返健康均衡飲食，令體重不會上升得太快，產後就不難減。整個孕期重了17磅。BB重4磅幾，羊水胎盤3磅度，減10磅便可以回復孕前體重。
產後：工人姐姐到家後，我安排每天的餐單，盡量吃得營養均衡，烹調方式多數是炒和蒸。吃得最多是蒸魚、蒸水蛋、凍豆腐、煎雞排、蔬菜炒豬肉、灼蝦、大量的蔬菜和水果。我本身也不太喜歡炸物甜點零食，所以也很少吃。喝大量的水、陳皮炒米茶、粟米鬚水排走身體的癈物。

2. 正宗古療法紮肚療程
順產後6星期，CARMAN @日悅坊 (https://www.facebook.com/sunshinejamu) 幫我做咗10日上門正宗古療法紮肚療程，可以上門紥肚真係好方便。除咗紥肚，仲會用精油JAMU（佳木）幫我掃走肚風，排走子宮毒素，好舒服，之後我都有乖乖每日帶兩小時束腹帶，帶左兩個月。陀ＢＢ會令腹直肌撐開，紥完肚我腹直肌由撐開有1隻半手指到剩返半隻手指寬～肚仔瘦咗4cm，肚皮都firm返d~ 提外話，坐月期間媽媽心情有時會好鬱悶，想讚KAMAN每次上門都會帶好多正能量，笑話，同媽媽分享　＝　］

３. 餵人奶~及餵奶後飲食小貼士
媽媽每製造1安士奶便會消耗約60卡路里，一天大約消耗500卡路里，
即係等於跑步1小時，或者吃掉2碗飯～
聽來好像很划算，每天餵奶＝每天跑了1小時，
但其實餵奶真的很耗能量，餵完好像人也榨乾（特別是頭1,2個月身體未適應時)，而且一天餵奶時間總共要8小時，才換來1小時的跑步。如果為了減肥，我寧願去街跑～另一方面，餵奶後會特別肚餓，所以餵奶後吃什麽食物也是致胖還是減重的關鍵。我餵奶後肚餓要吃小點心的話，一般會食水果豆奶燕麥片、腰果杏仁、水果加純乳酪、蕃薯、水煮蛋。大前提係我本身鐘意食，都係我平日既飲食習慣，若果呢d食物你唔鐘意，食得唔開心就要揀其他自己鐘意又健康既食物啦～

４. 塞奶的痛會讓你吃得更健康
因為吃了高脂高糖類食物，人奶脂肪含量提升會令人奶凝固，
然後阻塞乳線，造成塞奶，石頭胸，紅腫痛發炎，十分難受。
BB啜唔到奶，不斷扯，整損媽媽流血仲痛＞＜仲要奶量大跌，唔夠奶俾bb食。
經歷過塞奶的痛同唔好後果，就會謹慎點選食物。不會肆無忌彈地亂吃高脂高糖食物。

５. 讓生活充實起來，便不會有空常常找零食
即使放產假，很多時間留在家中，也可以讓生活充實起來，便不會有空常常找零食吃啊～

６. 運動拉筋～
孕期：主要做孕婦瑜珈+fitball助分娩
產後：順產3星期後，做助產士Katie / Coffee 的產後簡單運動～
有媽媽手，肩頸膊痛後，無咩能量做運動，通常都係針對痛的部位做拉筋和低強度運動。
以下係我由孕期到產後做的運動youtube playlist，無論你係準媽媽定媽媽都可以click入黎一齊做啊～　有時間仲可以睇埋我其他親子育兒／心理健康／繪本故事影片～
（https://youtu.be/xMwnDXaqUCQ）

７. 一邊照顧BB，一邊做運動
我會把做運動融入照顧BB的生活中，例如：讓他平躺著觀賞媽媽在他面前拉筋跳舞。他會好像看表演般手舞足蹈，他開心，我開心，我開心，他開心。

８. 早睡修復身體，幫身體排毒
BB晚上睡，媽媽也跟著一起睡，才能在睡眠中修復身體。若果想著終於有自己時間，不由自主不斷碌電話，便會一個不留神碌到下一餐奶，便整晚無得休息了。（我BB現在的作息是晚上９點多我哄他入睡，凌晨2點多起床吃大半小時奶，再睡到凌晨5點多起床，吃1小時，換片再睡或不肯再睡，然後早上7點多正式起床，又再吃大半小時奶，所以爭取晚上10點和BB同步入睡，才能勉強夠休息和用睡眠修復身體呢）

⇊ 如果你鐘意睇我既分享，可以支持我 ⇊
Like & share - @Step to Wellness
→ Youtube | Podcast | IG | FB
#育兒日常 #新手媽媽 #香港媽媽 #親子blogger #產後修身 #紥肚 #快速修身 #減肥 #KEEPFIT #健康飲食