【薯仔同紫薯乳酪沙律 ASMR Cooking】
影片連結: 薯仔和紫薯乳酪沙律 ASMR Cooking 【ASMR Cooking - 活在當下享受生活】 大家可以聆聽平時整野食未必會細心留意到既聲音同畫面 當我地運用五感活在當下 我地疲倦既大腦會得到放鬆、焦躁既心情都會平靜落黎 希望大家都可以多D活在當下咁享受生活 * 【腸道係我地第二個大腦 - 精神健康同食物關係】 開始做薯蓉同紫薯蓉之前，想同你分享情緒同食物既關係 有唔少研究顯示—「腸道係我地第二個大腦」 人既精神健康同腸道健康有好密切既關係 若果我地成日都食高脂肪、高糖同加工食物會導致身體同大腦產生炎症 大量進食甜食都會令身體釋放大量胰島素，令到血糖大起大落 情緒都會隨之波動 當我地情緒波動、覺到焦慮、抑鬱、憤怒既時候 又會傾向「情緒式飲食」 即係通常會選擇食較高脂、高糖既食物，對身心健康形成惡性循環 * 【推介成份天然 - 豆奶同乳酪】 今次呢個薯仔同紫薯沙律同傳統既做法有ｄ分別 無用到牛油、忌廉、沙律醬 轉咗用成份較天然既乳酪、豆奶黎做，比較健康 大家平時買豆奶同乳酪既時候，有無留意佢既材料成份有咩呢？ 今次我揀既豆奶同乳酪成份係比較天然健康，無添加額外糖同防腐劑 * 【健康又易整 - 薯仔同紫薯乳酪沙律做法】 除咗薯仔、紫薯之外 其他材料份量都係按返自己鐘意既口味，隨意加減 做法非常簡單，煮熟薯仔同紫薯，將佢地壓成蓉 加入自己鐘意既材料 例如：切碎咗既雞蛋、蘋果、粟米粒 豆奶、乳酪，拌勻，食得 * 【Like & Share - @Step to Wellness】 如果你鐘意我既創作，希望生活過得更加好 邀請你like & share @Step to Wellness既頻道啦 多謝你 * #薯仔沙律 #紫薯沙律 #ASMRCooking #簡單易整 #健康飲食 #健康食譜 #whatieatinaday