#父母想為孩子全盤規劃人生有錯嗎？#親子

帶著無助的神情，李太（化名）搖動我的手：

「黃姑娘，你用對我女女既認識同你專業既意見話我知，

女女適合做咩，等我可以在果方面專注咁培育佢。」

我嘗試感受她問題背後的渴求和感受：

「李太，我感受到你內心既焦急同擔心，

好驚自己會做錯決定。

好想好好栽培孩子，更加擔心孩子會走冤枉路。」

她微微點頭，眉頭仍然深鎖著：

「係啊。我真係好想指導一條岩既路俾女女行。

若果佢能夠專注一個方向不斷努力，咪可以早Ｄ成功！」

容讓會談有靜下來的時間，靜靜地陪伴著她，我沉思著：

「有時，我們連自己想走的方向，也想不到呢。

有時，我們一心想著自己會走A這條路，最後卻走了Ｂ那條路。

我們更加不能斷定別人適合走的方向。」

她也跟著低頭沉思，然後，她再次抬起頭：

「正正因為我自己都計劃唔到自己！

正正因為我過去無好好計劃我自己！

過去生活得很苦，走了很多曲折的路！

我覺得自己的時間都追不回來了！

所以，我更想為孩子計劃她的未來。

但我做唔到… 我覺得好無助…

我想起我的信仰，

天父俾我地每個經歷都係有意思既。

即使那是曲折艱辛的，都總有意思。

又有邊個既生命會一帆風順呢？

其實，每個人都有自己要走既路。

太過保護女女，為女女全盤規劃，都唔係真正幫到女女…」

媽媽那條問題背後藏著

對孩子成長的著緊焦急，

對光陰一去不復返的追憶，

才是媽媽需要我回應的訊息。

有時，別人只需要我們一雙聆聽的耳朵，便能疏理淸晰心中的想法和感受。

若果我運用我的「專業」說出孩子適合走的方向，

我便是在削弱家長和孩子的能力感，把他們去權(disempowered)。

父母才是孩子成長的專家。孩子適合走的方向也只有孩子知道啊。

讓你內心有觸動的，

--> 可留言「+1或留下觸動你心的句子」和按分享啊。謝謝你！

Step to Wellness