【母乳餵哺系列（4）：食到肥嘟嘟既籽力BB，餵人奶第5個月又有新困難】
你食走咗媽媽D脂肪？
所以變到咁肥肥白白嗎？
.
每個月餵人奶都有唔同既困難，
第二個月：BB喺醫院慣左用杯仔，奶樽，早產BB又唔夠力，啜兩下就好攰訓著覺，唔夠刺激，媽媽唔夠奶，BB又唔肯埋身食，只有由朝到晚密密泵奶
第三個月：BB夠力吸啜了！不過埋身食一餐奶都要食成個幾鐘，一日食8次以上，體力透支
第四個月：供應同需求量終於達到平衡，可以全埋身食奶啦。但開始出現塞奶問題，好痛。
第五個月：媽媽放完產假，塞奶問題加劇，要更加清淡又有營養既飲食，同埋定時泵奶，先唔會又谷又痛。BB夜晚仍然一晚醒2至4次食奶。一邊泵奶一邊食飯一邊用手打字做野，又痛又攰咁返工。放工又要即刻趕返屋企俾BB啜返通，先唔會太塞太谷太痛。由放工到返工既時間，除左快手食晚飯同沖涼，就只係不斷俾BB食奶 -O-
.
人奶之路開始咗，就唔可以好似水喉咁話開就開，話關就關。
要關都要經歷好多痛楚，咁不如繼續堅持落去啦～
.
供需達到平衡一d都唔容易，當達到平衡點，又會好快因為唔同既因素再次失衡，例如食錯野塞奶痛，太忙無排奶又塞奶痛，太攰壓力大造唔到奶，飲少左水又無奶。
.
或者唔應該將平衡當成一個目標，而係一個需要不斷努力既過程～
.
就好似step to wellness咁，
wellness唔係一個destination,
而係一個追求過身心健康生活既旅程。
.
圖一：肥肥白白籽力仔
圖二：bb出世後第一天的黃金初乳 （半個鐘都係得0.2ml）
圖三：bb出世後第四天的黃金初乳（半個鐘都係得1ml）
圖四：仍然唔夠奶俾BB食
圖五：返工後泵奶 供需平衡啦
.
⇊ 如果你鐘意睇我既分享，可以支持我 ⇊
Like & share - @Step to Wellness
→ Youtube | Podcast | IG | FB
留言
發佈留言