【管理工人姐姐系列（7）：詳盡分享放手俾姐姐參與BB成長發展的進程】

因為我既產假會結束，所以放手俾姐姐同BB建立安全信任關係，引入姐姐參與BB成長發展好重要

.

「咩時候適合引入姐姐參與BB的成長發展？」

• 建立到每日流程routine，各項工作都熟習上手。例如清潔，整理，煮飯，照顧寶寶生理需要也做得不錯

• 即使姐姐參與更多，仍有足夠時間在下午小休和食下午茶 （咁先可以等姐姐無壓力下同BB專心玩）

• 觀察到姐姐有足夠耐性，愛心，同BB建立到感情

• 平日分享基本的育兒理念和兒童發展需要俾姐姐知道（姐姐本身有3個小朋友，所以都好有興趣聽）

.

「食訓疴以外，就是很重要的陪伴、遊戲時間」

一開始，我請姐姐和我一起和BB在遊戲墊玩。然後慢慢放手，自己在旁工作，讓姐姐和BB單獨玩。跟著，按著BB需要增加同姐姐處理所有任務的能力增加後，就請姐姐由每天15分鐘開始，到1天2次15分鐘，到1天3次15分鐘，到現在1天4次20分鐘的遊戲墊時間。

.

「姐姐可以和BB做甚麽？」

好多架～

例如同姐姐講點同BB做Tummy time，點引BB抬頭，點觀察BB太攰要休息～

見BB有興趣又擺玩具引佢打開手仔拎玩具，照鏡仔，得閒唱下歌～

.

「慢慢放手俾姐姐的進程和小貼士」

• 姐姐第一日入屋，已俾佢知佢所有任務，但我會分階段，按佢能力慢慢加入新任務。咁佢唔會覺得無啦啦俾多咗野佢做

• 一開頭，我會同姐姐預演我唔喺屋企，同佢講我今日喺屋企，但我今日見到bb喊，有需要都唔會出手。咁姐姐會快d投入到自己照顧bb既角色。

• 特別喺姐姐初入屋時，我唔會每次一見BB喊就出手，會停一停俾位姐姐入，同等佢同bb建立多d關係。

• 有時我要喺屋企專心做野，我會等姐姐知道，即使我喺度，佢都要幫手照顧BB～

• 跟住我就出街既時間會慢慢拉長，慢慢放手俾佢一個人同時做晒所有野

• 佢既信心同能力都會一路增加～

BB又開心，姐姐又開心～

2個都笑到格格聲 =）

我都好開心 ～

.

BB呢排既成長發展都歸功於姐姐

圖一：拎波仔

圖二：抬頭仔

圖三：好奇仔

圖四：照鏡仔

.

⇊ 如果你鐘意睇我既分享，可以支持我 ⇊

Like & share - @Step to Wellness

→ Youtube | Podcast | IG | FB

#育兒日常 #新手媽媽 #香港媽媽 #親子blogger #嬰幼兒發展 #嬰幼兒教育 #嬰幼兒心理 #心理健康 #蒙特梭利 #正向教養 #兒童為本 #管理工人姐姐系列 #表揚姐姐系列