【受抑鬱症困擾 先生和太太的內心小劇場】

每對夫婦面對抑鬱症來襲時的情緒反應都不一樣，
但總會面對這高低起伏和互相影響的心理變化。

受抑鬱症困擾的太太分享自己的心路歷程（上面那行情緒咭）：
「我開頭患上抑鬱症時，成個人都好焦慮，好低落，後來陷入咗好討厭自己做咗老公包袱既狀態，好自責。討厭自己討厭到要撞牆令自己清醒Ｄ！然後，我好感激遇到好既社工，醫生，同先生既支持令我過渡咗最黑暗最低谷既時期。而家，我覺得快樂。展望未來，我想重整生活，能夠平靜輕鬆咁生活，唔駛好似以前咁急咁趕，造成自己好多焦慮。抑鬱症令我重新去檢視自己過往既生活方式同做人既態度，無形中俾咗幾多壓力焦慮自己。」

先生都分享佢對於太太受抑鬱症困擾的心路歷程（下面那行情緒咭）：
「我知道太太既情況我好擔心，好緊張，都有壓力。我好自責自己俾唔到開心太太。但中間我都仍然鼓勵自己要抱有信心，要相信情況會好轉，但同時都有好無助，都覺得好攰。而家見到太太好咗好多，有欣慰。」

先生對於太太自責的回應：
「我發現我地既情緒會互相影響。你覺得自己係我包袱，我從來都無咁諗過。反而係我自責，怪自己比唔到好既生活你，唔能夠令你開心。呢份自責都會令我好抑鬱，好唔知點面對你。但而家知道咗原來你既情況係同個病有關，同埋有好多其他因素夾夾埋埋先導致你有抑鬱症，我既自責都有減少，能夠同你一齊去面對。」

當感到自責時，不妨讓對方知道。有時，對方的回應會讓你發現原來事情不是你想像般。
下一篇文章會分享自責對關係的破壞力。
.
＿＿＿
你們的讚好和分享有助散播健康快樂的種籽 ： >
http://www.facebook.com/step.footprint

#精神健康 #情緒病 #精神病 #復元 #堅持是種習慣
#mentalhealth #counsellor #socialworker #blogger #healthnwellnessblog #wellness #recovery #health #healthylifestyle #healthyeating #selectivemutism